ᑕᒪᒃᑯᐊ ᑕᕆᐅᕐᒥᐅᑕᐅᓪᓗᑎᒃ ᐆᒪᔪᐃᑦ ᓂᒡᓚᓱᒃᑐᕐᒥ ᐅᑭᐅᖅᑕᕐᒃᑑᑉ ᐃᒫᓂᕐᒥᐅᑦ. ᑖᒃᑯᐊ ᐃᓛᓐᓂᒃᑯᑦ ᐅᖃᐅᓯᐅᖃᑦᑕᕐᒃᑐᑦ ᐊᒥᖏᒡᒎᖅ ᖃᓕᕇᒐᓛᒃᑐᐃᑦ ᑲᕕᓯᖏᑦ ᖃᑦᑎᒐᓛᒃᖢᓂᓪᓗ, ᑲᓇᔪᕐᒃᑎᑐᒐᓛᒃ. ᐅᖃᐅᓯᐅᓯᒪᔪᑦ ᑖᒃᑯᐊᒎᖅ ᖃᓪᓗᐱᓪᓗᐃᑦ ᑰᒐᖃᑦᑕᕐᒃᑐᑦ ᒪᒪᖏᑦᑐᐊᓗᖕᒥᒃ ᑕᕆᐅᕐᔪᐊᕌᓗᖕᒥᒃ.

ᖃᓪᓗᐱᓪᓗᒃ ᓄᑦᑕᖅᑲᓂᒃ ᑎᒍᓚᔨᐅᔪᖅ. ᖃᐅᔨᒪᔪᖃᓪᓚᕆᖏᑦᑐᖅ ᑖᒃᑯᐊ ᖃᓄᐃᒻᒪ ᓄᑕᖅᑲᓂᒃ ᐱᔪᒪᖃᑦᑕᕐᒪᖔᑕ. ᐃᒻᒪᖄ ᓄᑕᖅᑲᓂᒃ ᐱᖃᑦᑕᕐᒃᑐᑦ ᑭᐱᙳᓂᕐᒥᖕᓄᑦ ᐊᒻᒪᓗ ᐃᓅᖃᑎᖃᕈᒪᓂᕐᒥᖕᓄᑦ, ᐅᕝᕙᓘᓐᓃᑦ ᒪᒪᖅᓴᕐᒪᑕᖃᐃ ᓂᕆᔭᕆᐊᖏᑦ.

ᐊᒥᓱᐃᑦ ᐅᓂᑳᕐᒃᑐᐊᑦ ᐅᓂᒃᑲᐅᓯᖃᖅᑐᑦ ᖃᓪᓗᐱᓪᓗᓂᒃ ᐅᖃᐅᓯᐅᓯᒪᔪᑦ ᐊᓐᓄᕌᖅᓯᒪᓂᖏᓐᓂᒃ ᒥᑎᕐᓂᒃ ᓴᓇᒪᔪᓂᒃ ᐊᒪᐅᑎᖃᖅᑐᒡᒎᖅ, ᐊᖏᔪᓂᒃ ᓄᑕᖅᑲᓂᒃ ᐊᒪᕈᑎᖏᓐᓂᒃ. ᖃᓪᓗᐱᓪᓗᐃᑦ ᐃᔨᖅᓯᒪᓲᑦ ᑕᕆᐅᕐᒥᑦ, ᐅᑕᖅᑭᓪᓗᓂ ᓄᑕᖅᑲᓂᒃ ᐱᙳᐊᓕᕐᒃᐸᑕ ᐃᓄᑑᓗᑎᒃ ᓯᒡᔭᒥ ᐅᕝᕙᓘᓐᓃᑦ ᓯᑯᓂ ᓯᖁᒥᓯᒪᓕᖅᑎᓪᓗᒍ.

ᖃᓪᓗᐱᓪᓗᐃᑦ ᕿᒡᒋᓲᑦ ᐃᒫᓂᑦ ᓯᑯᒧᑦ ᐊᒻᒪᓗ ᓄᑕᕋᐃᑦ ᑎᒍᖃᑦᑕᕐᒃᑕᖏᑦ ᖃᐅᔨᑎᑦᑕᐃᓕᓪᓗᓂ ᑎᕐᓕᐊᕐᒃᓯᖅᖢᓂ. ᐃᓛᓐᓂᒃᑯᑦ ᑭᓯᐊᓂ, ᑐᓵᔪᓇᕐᒃᑕᐃᑦ ᑎᒡᓗᒃᑐᕐᒃᑐᖅ ᓯᑰᑉ ᐊᑖᒍᑦ. ᐃᓚᖏᑦ ᐃᓐᓇᐃᑦ ᐅᖃᖃᑦᑕᖅᓯᒪᔪᑦ ᑕᕆᐅᖅ ᒪᓪᓕᓕᕌᖓᑦ, ᐅᕝᕙᓘᓐᓃᑦ ᐳᔫᓕᕐᒃᐸᑦ ᓯᑰᑉ ᐊᑖ ᖃᓪᓗᐱᓪᓗᒃᑕᖃᑐᐃᓐᓇᕆᐊᓕᒃ ᐃᔨᖅᓯᒪᔪᒥᑦ

ᐊᑕᐅᓯᖅ ᓇᓗᓇᖏᑦᑐᖅ, ᖃᓪᓗᐱᓪᓗᐃᑦ ᐃᔨᖅᓯᒪᖕᒪᖔᑦ ᐃᒫᓂ ᐅᕝᕙᓘᓐᓃᑦ ᐃᔨᖅᓯᒪᖏᒻᒪᖔᑦ, ᐊᑦᑕᕐᓇᖏᑑᓚᐅᖅᓯᒪᖏᒻᒪᑦ ᐱᙳᐊᕆᐊᒃᓴᖅ ᐃᓄᑑᓗᓂ ᓯᒡᔭᕐᒥ ᐅᕝᕙᓘᓐᓃᑦ ᓯᖁᑦᑎᖅᓯᒪᔪᓂ ᓯᑯᓂ.

______________________________

tamakkua tariurmiutaullutik uumajuit niglasukturmi ukiuqtarktuup imaanirmiut. taakkua ilaannikkut uqausiuqattarktut amingigguuq qaliriigalaaktuit kavisingit qattigalaak?unillu, kanajurktitugalaak. uqausiusimajut taakkuaguuq qallupilluit kuugaqattarktut mamangittualungmik tariurjuaraalungmik.

qallupilluk nuttaqqanik tigulajiujuq. qaujimajuqallaringittuq taakkua qanuimma nutaqqanik pijumaqattarmangaata. immaqaa nutaqqanik piqattarktut kipinngunirmingnut ammalu inuuqatiqarumanirmingnut, uvvaluunniit mamaqsarmataqai nirijariangit.

amisuit unikaarktuat unikkausiqaqtut qallupillunik uqausiusimajut annuraaqsimaninginnik mitirnik sanamajunik amautiqaqtugguuq, angijunik nutaqqanik amarutinginnik. qallupilluit ijiqsimasuut tariurmit, utaqqilluni nutaqqanik pinngualirkpata inutuulutik sigjami uvvaluunniit sikuni siqumisimaliqtillugu.

qallupilluit qiggisuut imaanit sikumut ammalu nutarait tiguqattarktangit qaujitittaililluni tirliarksiq?uni. ilaannikkut kisiani, tusaajunarktait tiglukturktuq sikuup ataagut. ilangit innait uqaqattaqsimajut tariuq malliliraangat, uvvaluunniit pujuulirkpat sikuup ataa qallupilluktaqatuinnarialik ijiqsimajumit

atausiq nalunangittuq, qallupilluit ijiqsimangmangaat imaani uvvaluunniit ijiqsimangimmangaat, attarnangituulauqsimangimmat pinnguariaksaq inutuuluni sigjarmi uvvaluunniit siquttiqsimajuni sikuni

______________________________

These are marine creatures of the cold arctic waters. They are often described as having scaly and bumpy skin, not unlike a scalpin. It is said that these ugly creatures reek of sulfur.

The Qallupilluk is a child-snatcher. No one really knows why these creatures love to take children. Perhaps they take children because they are lonely and like the company, or maybe they like how children taste?

Many stories of the Qallupilluk tell of them wearing eider duck clothing with large pouches on their back to carry children in. The Qallupilluk hides in the ocean, waiting for children to play alone on the beach or near the breaking ice.

Usually the Qallupilluk jump out of the water and grab children without any warning. Sometimes, however, you can hear them knocking under the ice. Some elders have said that if the ocean begins to become wavy in an area or steam begins to rise from the ocean, a Qallupilluk might be hiding underneath the water.

One thing is certain, whether a Qallupilluk is hiding in the water or not, it is never safe to play alone on the beach or near the broken pans of sea ice.